المصدر 24 - وقال محمد الدماطي في تصريحات عبر قناة إم بي سي مصر2: «الحمد لله بطولة كنا محتاجنها والفترة الماضية كانت النتائج غير مرضية للجماهير، فالبطولة دي ترجع الدنيا تاني إن شاء الله».

أضاف: «إن شاء الله تبقى بداية جديدة للمدير الفني وتضاف لرصيده وتبني ثقة بينه وبين الجمهور، وتدي أريحية لإدارة الكرة في الأهلي».

تابع: «مباراة الأهلي والزمالك بتبقى دايما فيها إثارة ورايح جاي، ولها طعم مختلف، بعيدًا عن اللي حصل من المدرجات تجاه زيزو«.

وعن أداء زيزو أمام الزمالك علق قائلا: «زيزو لاعب احترافي بحق ومن اللاعيبة اللي بتأخد بالها من نفسها وعقلية تستاهل إنها تبقى موجودة في الأهلي، وكان من أفضل اللاعبين في مباراة الزمالك، وربنا ككل تعبه ومجهوده بأول بطولة له مع الأهلي وإنه صنع هدف بن شرقي، وكان أفضل لاعب في المباراة».

وواصل: «الفوز بيبقى له طعم مختلف أمام الزمالك، ودايمًا مباراة الزمالك بيبقى فيها قلقل وندية على عكس ما الناس بتقول».

وعن ما حدث من زيزو على منصة التتويج قال: «أنا شوفت زيزو بعد المباراة راح سلم على الجهاز الفني للزمالك واللاعيبة كلها، وكابتن أيمن يونس، فالواضح إن مفيش مشكلة مع المنظومة بشكل عام ولكن مع أفراد معينة، وتصرف مفيهوش حاجه كبيرة وشايف إن في بعض المبالغات شوية، وده راجل مضغوط وكان في خلفيات احنا منعرفاش وقت تجديد تعاقده مع الزمالك هو أدرى بها وواقعة وعدت».

وكان زيزو قد رفض مصافحة هشام نصر نائب رئيس الزمالك على منصة التتويج ببطولة السوبر المصري، ما أثار غضب الأخير ليشتكى لـ خالد مرتجي أمين صندوق الأهلي والذي كان متواجدًا معه على المنصة.

يمكنك مشاركة الخبر علي صفحات التواصل