أنا محتاجة رأيكم بصراحة، يمكن أكون غلطانة ومش واخدة بالي.
أنا متجوزة بقالي سنتين وعندي مشكلة صحية بتعالج منها هي السبب في تأخر موضوع الخلفة لحد دلوقتي واتفقنا إن ده نصيب وربنا يرزقنا في الوقت المناسب.
من فترة أخوه ومراته اتوفوا في حادثة وسابوا بنت صغيرة عندها 4 سنين. جوزي كان متعلق بأخوه جدا وبعد الوفاة قرر ياخد البنت تعيش معانا وقاللي إنها أمانة وإن أخوه كان موصيه عليها قبل ما يمو.ت
طبعا البنت عارفاني كويس عشان كده البنت اتبسطت انها هتعيش معانا وانا متعاطفة مع البنت وعمري ما كنت هطلب منه يسيبها أو يرميها وفعلا بقالها معانا داخله في ٤ شهور
لكن اللي حصل بعد كده إن وجودها في البيت بشكل دائم وكل مسؤوليتها تقريبا بقت عليا. أنا اللي بصحيها وأهتم بأكلها ولبسها وأقعد معاها طول اليوم، ومع الوقت حسيت إني بقيت مربية أكتر من كوني زوجة وانا مش متعوده على الوضع ده أصلا لاني لسه مخلفتش واللي فيا مكفيني من ناحية الاطفال
فحاولت أتكلم معاه كذا مرة وأقوله إننا ممكن نلاقي حل تاني غير انها تفضل قاعده معانا طول العمر
وهي ليها خالة كويسة جدا ومستعدة تاخدها وهتتبسط لو اخدتها
بس كان بيرفض تماما وبيقولي دي بنت أخويا ومش هسيبها وديه وصيتئه الوحيده ليا
طبعا حصل مشاكل وخلاافات بنا كتير بسبب ان وجود البنت معطلني ورابطاني جنبها ومش عارفه اعمل منها حاجه وبقيت عصبية عليها ومعاملتي ليها اتغيرت غصب عني وده عمل بينا خلافات كبيرة
، ولما طلبت منه إننا نشوف حل او نتفق على طريقة تريحنا كلنا وميكنش اناني مكنش فيه اي تجاوب مته وكأن أي اعتراض مني معناه إني قاسية ومش عندي رحمة.
في آخر خناقة قولتله بصراحة أنا مش هقدر أكمل بالطريقة دي، خصوصا إني حاسة إن خلاص مبقاش ليا في حياتك اي مكان ولا اهتمام ومقيش قي حياتك غير بنت أخوك.
ولما زهقت في الآخر أنا اللي لمّيت هدومي وروحت عند أهلي وقلتله لما نلاقي حل رجعني.
لكن هو ماحاولش يرجعني وكلمته قاللي إن البنت دي هو مسؤل عنها وإنه مش هيغير قراره عشان أي حد واللي مش عاجبه يبقى هو الجاني على نفسه حتى بابا كلمه قاله مفيهاش حاجه هي عايزه تقعد في بيتها براحتها وطالما خالتها موجوده ومرحبه يبقى هي الأولى بيها مش بنتي انت راجل ومش بتخدمها انما بنتي هي اللي بتخدمها برضه الكلام معجبوش ولا جالي ولا اعتذر ولا قالي هشوف حل ولا اي شيئ
قولولي بصراحة اعمل ايه انا عايزه اطلق وهل انا غلطانه في حاجه ولا رد فعلي كان منطقي وأنا عملت الصح لما مشيت؟ والرجاله اللي هنا رايكم ايه في الراجل اللي بالشكل ده واللي بيفضل طفلة زي ديه على بيته ومراته يعني كراجل هل ديه حاجه تزعلك ان مراتك تبقى بتدور على بيتها ومش عايزه حد يشاركها فيه خاصة ان الموضوع مطول يعني وملوش نهاية يمكن يشوف رأيكم ويقتنع
تعليقات