المصدر 24 - ناصر ماهر، في خطوة غير معتادة، خرج نجم خط الوسط ناصر ماهر لاعب الزمالك ببيان رسمي يعكس إحباطه الشديد إزاء عدم انضمامه لقائمة المنتخب الوطني في معسكر نوفمبر الماضي، تحت قيادة الكابتن حسام حسن.

اللاعب، الذي كان قدّم مستويات ممتازة خلال تلك الفترة، أكد أن استبعاده لا يمكن تفسيره فنيًا، مشيرًا إلى إجماع المحللين والنقاد والجماهير على استحقاقه للتواجد.

وجاء نص بيان ناصر ماهر من خلال حسابه على انستجرام قائلا:

أنا آسف إني بنزل الكلام ده، لأنه مش طبعي خالص، بس بصراحة الوضع محبط جدا بالنسبة لي بسبب قائمة منتخب مصر.

وأضاف لاعب نادي الزمالك، بكل صدق، أنا شايف إني أستحق أكون متواجد على الأقل ضمن المنتخب، خصوصا إن الموضوع واضح إنه مش فني خالص، لأن كل النقاد والمحللين والصحفيين والجماهير المصرية حتي الناس العاديه بيتكلموا كويس جدا عن أدائي في الفترة الأخيرة.

واختتم ناصر ماهر، بصراحة، اللي حصل ظلم ظلم كبير جدًا، وده مالوش علاقة بالكورة، المجهود اللي بذلته كله يروح كده على الفاضي، وأحلامي تضيع بكل سهولة كأنها حاجة عادية، رغم إني عملت كل اللي المفروض أعمله، بجد حرام، اللي بيحصل ده يحبط أي جبل.