المصدر 24 - في تصريحات مثيرة للجدل، خرجت الفنانة المعتزلة سما المصري واعلنت رغبتها في الزواج، مشيرة إلى أنها تريد منزل تعيش يه مع رجل يكون دعمها وسندها، مثل الفنانة منة شلبي ومي عز الدين.

سما المصري تعلن رغبتها في الزواج 

وقالت سما المصري في فيديو رصده موقع تحيا مصر على حسابها الرسمي بموقع تبادل الصور والفيديوهات انستجرام: كل الناس بتتجوز وأنا قاعدة كدة، منة شلبي ورانيا يوسف حتى مي عز الدين اتجوزت، انا بقى عايزة اتجوز واتستر ويبقى ليا بيت واتلم، العمر بيجري والواحد كبر يمكن ألحق اخلف حتة عيل ولو مفيش خلاص أبقى عايشة في حما راجل أحسن مانا متبهدلة.

واضافت سما المصري: أنا بقيت ست محترمة ومش عايزة غير ابن حلال وهادي ويعاملني كويس،  عايزة حد يشكمني ويلمني ويقعدني في البيت، يشكمني بالادب.

سما المصرية عروض الزواج مني زادت بعد الحجاب

يذكر، أن سما المصري سبب وقالت: عروض الجواز مني زادت أوي بعد الحجاب… اعمل إيه؟! هل الحجاب بيحليني وبينضفني وبيحلي الناس وبينضفها من جوه كده؟"، وأضافت في منشورها دعماً للفتيات: "لكل البنات اتحجبوا هتتجوزوا.. ولغير المحجبات ربنا يرزقكم بعرسان حلوة ويهديكم للحجاب، الحجاب دا قمر أوي وأنا حبيته بجد".

وهاجمت سما المصري البلوجر أمينة حجازي، قائلة: الشيخ ده أنا مبحبوش بس هقول كلمة الحق، انت طلبت من زوجتك متطلعيش على السوشيال ميديا يبقى تسمع الكلام ، كنتي انفصلي واعملي اللي انتي عايزاه بدون ما تكسري كلامه، السوشيال ميديا دمار ومعظم حالات الطلاق بسببها، بيتك وعيالك أولى بيكي وارحموا الراجل هو حر.

سما المصري تتصدر التريند 

من ناحية اخرى، كانت قد تصدر سما المصري التريند بسبب تصريح نسب لها تقول فيها "عايزة راجل يشكمني"، لتعلق الفنانة على هذا الأمر: في خبر منتشر بقاله كام يوم منسوب ليا إني قولت (عايزة راجل يشكمني)، وأنا ماقولتش كده لا زمان أيام ما كنت عايشة حياتي، ولا دلوقتي بعد ما ربنا هداني في ناس مالهاش لازمة بتشتمني، وأنا لا برضى أرد عليهم ولا أقاضيهم عشان أكل عيشي.. ياريت الناس تهدى شوية، أنا ست كويسة وأعرف أشكم نفسي.